Da sind einigi Gricht, wo eusi Kunde bereits liebed:

Authentischer gahts chum. Pulled Pork liit jedem Pitmaster am Herze und isch en Klassiker vom traditionelle Southern-Pit-Barbecue.

Für euses Pulled Pork kombiniered mir zwei Fleischstück: Schwiinsschultere und Schwiinshals. Dur das wird sichergstellt, dass s fertige Produkt schön saftig isch. Probiered Sie’s ufemne Brötli mit Coleslaw für es klassisch’s «Pulled Pork Sandwich» oder als Teil vom Schwiinsfleisch-Sampler. 

Möglicherwiis kenned Sie die Art vo Schwiinsfleisch nöd.

Bim American Oak bütet mir s traditionelle Southern-Sparerib ah – nöd z’verwechsle mit em «St. Louis» - Stil oder em «Baby Backs». Die sind grösser und fleischiger als die beide obe erwähnte Rippe.

Schwiinsschultere eignet sich nöd zum Rupfen (pullen). Mir bereitet en gräucherti Schwiinsschultere zue, wo zwar mit de gliche Garmethode wie euses Pulled Pork zuebereitet wird, aber früehner usem Smoker gnoh wird. Dur das entstaht en köstliche, in Schiibe gschnittene Schwiinsbrate. Dezue gitts Ihri Lieblings American Oak BBQ Sauce und mir serviered sie entweder ufemne Brötli oder als Teil vom Schwiinsfleisch-Sampler. 

Mir hend lang gsuecht, zum i de Schwiiz en Wurst z’finde, wo de grobi Mahlgrad und die typische Gwürz vo eusere Heimat im Südoste vode USA nöch bringt.

Wo mir keini gfunde hend, hemmer eusi Fründe kontaktiert, wo i de Metzgerei Gabriel in Wolfenschiessen schaffed. Sie stelled eus en American Oak Bratwurst her, wos nur s feinste Schwiizer Schwii- und Rindfleisch drin het. 

Mir räuchered jedes Stück 1,5 Stunde lang bi 225 Grad Fahrenheit, bevor’s übermne Bett us echter Holzkohle grillt wird. 

Eusi Pulled Pork Tacos sind wahrschindlich euses bisher beliebtiste Produkt und s’Ergebnis vonere wunderschöne Kollision vo kulinarische Welte.

Mir bereitet euses klassische Pulled Pork zue und serviered’s denne uf lokal hergstellte Schwiizer Tortillas mit all Ihrne Lieblingszuetate. Gebed Sie Ihrere nöchste Büroparty neui Würzi und fröged Sie i eusere Taco Bar nah.

Uf de Suechi nacheme mundgrechte BBQ-Hors d’oeuvre? Eusi Schwiinsbuch-Nuggets werded bi 275 Grad Fahrenheit gräucheret, bis sie perfekt uf de Zunge zergönd. Aschlüssend werded sie, wenn Sie das möchtet, i de American Oak BBQ Sauce gschwenkt für en würzige, klebrig-süesse Abgang. Stelled sie sicher, dass sie bstellt hend, will die Nuggets schnell usgönd! 

De König vom Texsas-Barbecue.

Und das isch nöd würklich en "südlichi" Sach, wenn mir wählerisch sind. Aber über d’Symphonie vode Aromas imene richtig gräucherete Brisket chan mer nöd striite.

"Flat", "point", oder "burnt ends"  – egal, welle Schnitt Sie bevorzuged, s’American Oak Brisket isch unübertroffe.

Nei, es isch fürs BBQ nöd üblich, aber mir hend d’ Nase voll vo übertüürte, künstlich aromatisierte Fleischreste, wo am andere Endi vode Welt produziert werded und innere Aluverpackig ade Tankstell verkauft werded.

Drum hemmer eus entschiede, euses eigene Jerky us reinem Rindfleisch zuezbereite. S’ Endergebnis schmökt ähnlich wie Pemmikan und isch i 3 Gschmacksrichtige erhältlich: Original, scharf und Teriyaki.

Die Fleischhämmer werded mängisch au als "short" Rippe bezeichnet aber sind alles andere als das. Mir beziehend Platterippli, wo bis zu 20cm lang sind. Mir wend nöd z vill verspreche, aber die Babys werded als "s’ Beste vom BBQ" bezeichnet. 

Eusi gschnitteni Truthahnbrust bietet de ganzi Gschmack vom Southern-Pit-BBQ mit emene Bruchteil vo Fett.

Will mir euse Truthahn 24 Stund lang i Salzlake ihlegged, bevor mir ihn ufem Smoker rüered, tröchnet er nöd us. Am liebste gnüssed mir de Truthahn ufeme Brötli mit Coleslaw und eusere Chipotle-Cranberry-BBQ-Sauce. D’ Truthahnbrust isch euse "Kick für Thanksgiving".

Sueched Sie nachere gsünd(ere) Alternative zu eusem Pulled Pork? Probiered Sie euses Pulled Chicken.

Genau wie euse Truthahn legged mir euses Poulet i Salzlacke ih, bevor mir’s über Schwiizer Chriesiholz bi 250 Grad Fahrenheit räuchered, bis sie di rauchigi Perfektion erreicht. Nachher füehred mir ein "ganze Vogel Pull" dure, zum de maximali Gschmack z’gwährleiste.

Wer LIEBT Chicken Wings nöd? Mir nutzed es alts chinesischs Gheimnis (würklich), zum eusi Wings au im Smoker knusprig z’palte. Sobald d’Flügeli di richtigi Temperatur erreicht hend, schwenked mir sie i de Sauce Ihrere Wahl. 

• American Oak Classic
• American Oak Spicy
• Buffalo Wing and Butter