Sitt mim Umzug vo Florida nach Europa im Jahr 2010 bin ich immer wieder gfrögt worde, was ich a minere Heimat am meiste vermisse. Früehner isch d’ Antwort lang gsi: Familie, Fründe, de Strand und ja, s’Esse.
Doch ide letsche 13 Jahr het sich vill verändert. Ich ha jetzt en eigeni Familie. Ich ha da i de Schwiiz Fründe fürs Läbe gfunde. Usflüg an Strand sind dur Wanderige i de atemberaubende Bergchettene ersetzt worde. Öppis, wo aber eifach nöd ersetzt werde chan, isch s’Esse; Ich vermisse d’ Südstaate Chuchi immerno.
Drum han ich American Oak gründet. Ich möchti d’ Arome vo minere Heimat – vom amerikanische Süde – da i de Schwiiz naahme. Zum alles richtig mache, han ich euse erst Offset-Smoker us Coal Mountain, Georgia, importiert. Ich han die gliiche Harthölzer bsorgt, wo mir in Florida zum Räuchere bruucht hend. Ich han mit Schwiizer Metzger zämegschafft, wo sich mit US-Fleischstück uskenned – alles, zum eusne Kunde es authentischs Erlebnis z’büte.
Sitdem het sich d’ Idee duregsetzt. Unterwegs han ich unzähligi BBQ-Fans troffe. Einigi hend sich zum American Oak-Team agschlosse, zum s’Beste usem Süde Biss für Biss id Schwiiz z’bringe.
